У арганізацыі рабавання Луўра падазраюць расіяніна, звязанага са спецслужбамі
«Сёння раніцай мой сябар з ФСБ сказаў: будзь асцярожны, Францыя хоча аб'явіць цябе ў вышук».
Французскія сілавікі звярнуліся да расійскіх спецыялістаў па злачынствах у сферы антыкварыяту ў сувязі з расследаваннем крадзяжу з Луўра. Дэтэктывы цікавіліся асобай грамадзяніна Расіі і Францыі П’ера Маліноўскага, піша ВЧК-ОГПУ.
Маліноўскі з'яўляецца прэзідэнтам Фонду развіцця руска-французскіх гістарычных ініцыятыў, пост віцэ-прэзідэнта якога займала Елізавета Пяскова — дачка прэс-сакратара прэзідэнта РФ Дзмітрыя Пяскова.
Сам Пяскоў пастаянна ўдзельнічае ў дзейнасці фонду і сустракаецца з Маліноўскім. Маліноўскі неаднаразова асабіста сустракаўся з Пуціным.
Маліноўскі з'яўляецца галоўным падазраваным у арганізацыі крадзяжу манет і іншых гістарычных каштоўнасцей з музеяў Форт-дэ-ла-Пампэль, Сен-Рэмі і Муніцыпальнага гістарычнага цэнтра. Таксама яго імя ўсплыло і ў сувязі з «крадзяжом стагоддзя» з Луўра.
Маліноўскі абверг інфармацыю пра тое, што знаходзіцца ў ААЭ. Паводле яго слоў, ён мае грамадзянства РФ, ні ад каго не хаваецца, знаходзіцца ў Маскве і супрацоўнічае з расійскімі спецслужбамі.
«Сябры з ФСБ» нібыта папярэдзілі напярэдадні пра магчымую спробу французскіх уладаў абвясціць яго ў міжнародны вышук.
«Сёння раніцай мой сябар з ФСБ сказаў: будзь асцярожны, Францыя хоча аб'явіць цябе ў вышук», — заявіў Маліноўскі ў гутарцы з ВЧК-ОГПУ.
Ён сцвярджае, што не пакідаў Расію і працягвае займацца праектамі, звязанымі з ваеннай гісторыяй. Па словах Маліноўскага, у Францыі наўмысна звязваюць яго імя з крадзяжом манет у Рэймсе і падзеямі ў Луўры, каб «згадаць Расію ў негатыўным кантэксце».
Маліноўскі расказаў, што расследаванне па справе аб манетах вядзецца і ў Расіі, і што ФСБ працуе над ім ужо восем месяцаў. «Рыхтуецца міжнародны ордар. Ёсць відэа, дзе француз прадае манеты ў Маскве. Я казаў людзям з ФСБ: чаму вы не публікуеце гэтае відэа? Зараз жа ідэальны момант — пасля гісторыі з Луўрам», — сказаў ён ВЧК-ОГПУ.
Маліноўскі заявіў ВЧК-ОГПУ, што ён не мае дачынення да крадзяжу з Луўра. Паводле яго версіі, крадзеж мог быць здзейснены выхадцамі з арабскіх краін, якія пражываюць у Францыі.
«Гэта была група арабаў, па чутках, выхадцы з Алжыра. Такія выпадкі не рэдкасць — у Парыжы ёсць раёны, дзе дзейнічаюць устойлівыя крымінальныя групоўкі. У гісторыі з Луўрам усе ўпэўненыя, што былі памагатыя ўнутры музея», — сказаў ён.
-
Слон з мёртвым сланянём, каёт у Сан-Францыска, пума на агароджы… Вось якія работы сталі сёлетнімі пераможцамі конкурсу «Фатограф года дзікай прыроды»
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары
Пусть полиция пройдется по Сен-Дени и прочим арабским гетто.