МЗС: Беларусь вітае рашэнне Польшчы аб аднаўленні двух пунктаў пропуску
Беларусь вітае рашэнне ўладаў Польшчы аб аднаўленні працы раней зачыненых двух пунктаў пропуску. Пра гэта заявіў журналістам прэс-сакратар МЗС Руслан Варанкоў па выніках праведзенай па даручэнні Лукашэнкі нарады па сітуацыі на мяжы з дзяржавамі Еўрапейскага саюза, паведамляе БелТА.
Мерапрыемства прайшло пад кіраўніцтвам прэм’ер-міністра Аляксандра Турчына і дзяржаўнага сакратара Рады бяспекі Аляксандра Вальфовіча пры ўдзеле кіраўнікоў МЗС, Дзяржаўнага памежнага камітэта, Мытнага камітэта і КДБ.
«Беларусь паслядоўна заклікае еўрапейскіх суседзяў да аднаўлення ранейшага рэжыму працы мяжы ў інтарэсах звычайных грамадзян і развіцця трансгранічнага супрацоўніцтва. На гэтым фоне вітаем рашэнне ўладаў Рэспублікі Польшча аб аднаўленні працы раней зачыненых двух пунктаў пропуску праз беларуска-польскую мяжу для перамяшчэння людзей, транспартных сродкаў і грузаў. Гэта рашэнне аказвае станоўчы ўплыў пераважна на памежны гандаль», — сказаў прэс-сакратар.
У паведамленні МЗС адзначаецца, што гэты крок з’яўляецца праявай канструктыўнага стаўлення Польшчы, накіраваным пераважна на жаданні ўласных грамадзян.
«На жаль, мы не назіраем аналагічнага падыходу з боку літоўскіх уладаў, якія працягваюць ігнараваць інтарэсы ўласных грамадзян», — дадаў Руслан Варанкоў.
Як паведамлялася раней, улады Польшчы маюць намер 17 лістапада аднавіць працу двух закрытых у папярэднія гады памежных пераходаў на мяжы з Беларуссю ў Баброўніках і Кузніцы.
Польскі бок будзе прапускаць легкавыя аўтамабілі і і аўтобусы праз КПП у Кузніцы, а праз КПП у Баброўніках — легкавыя аўтамабілі, аўтобусы, а таксама грузавікі з краін ЕС і Швейцарыі.
Літоўская мяжа закрыта да 30 лістапада.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары