Аляксандр Лукашэнка сустрэўся з в. а. прэзідэнта Рэспублікі Саюз М’янма, старшынёй Камісіі нацыянальнай бяспекі і міру Мін Аун Хлайнам у Прэзідэнцкім палацы ў Нейп’ідо. Тут пройдуць перамовы ў вузкім і пашыраным складах, піша БелТА.
Прэзідэнцкі палац з’яўляецца афіцыйнай рэзідэнцыяй і офісам прэзідэнта М’янмы ў сталіцы. Будынак быў пабудаваны і адкрыты ў 2010 годзе. Прэзідэнцкі палац уключае 100 пакояў і выкарыстоўваецца выключна для правядзення нацыянальных цырымоній, дыпламатычных прыёмаў і ўрадавых пасяджэнняў.
Лукашэнку да месца сустрэчы суправадзіў ганаровы конны эскорт з 54 вершнікаў. Такое ў гісторыі пратакольнай практыкі М’янмы сустракаецца ўпершыню, што падкрэслівае асаблівы статус візіту.
Урачыстай атрымалася і сама цырымонія сустрэчы Аляксандра Лукашэнкі і Мін Аун Хлайна. Лукашэнку прывітала рота ганаровай варты, а аркестр выканаў гімны Беларусі і М’янмы.
Палітыкі абмяркуюць перспектыўныя напрамкі двухбаковага ўзаемадзеяння і рэалізацыю сумесных праектаў. Гаворка, у тым ліку, пойдзе пра развіццё супрацоўніцтва ў галіне сельскай гаспадаркі і гарантаванні харчовай бяспекі, прамысловасці.
Каментары