МНС Беларусі атрымала афіцыйны адказ ад літоўскага боку на запыт пра інцыдэнт, які адбыўся на тэрыторыі Ігналінскай атамнай электрастанцыі, паведамляе МНС.
Паводле паведамлення, на ІАЭС адбылося ўзгаранне ў блоку фільтрацыі паветра шротаструменнай устаноўкі, якая з'яўляецца часткай комплексу першаснай перапрацоўкі радыеактыўных адходаў.
Літоўскі бок запэўніў, што пажар быў аператыўна патушаны і пацярпелых няма, выкіду радыеактыўных матэрыялаў не адбылося.
Па Міжнароднай шкале ядзерных і радыялагічных падзей МАГАТЭ падзея класіфікуецца як «ніжэй шкалы».
Таксама ў адказе было пазначана, што знешняя дапамога Літве для ліквідацыі наступстваў не спатрэбілася.
Пажар адбыўся 25 лістапада ў комплексе першаснай апрацоўкі радыеактыўных адкідаў. Паводле афіцыйных паведамленняў літоўскага боку, у выніку інцыдэнту не зафіксавана ані радыяцыйнай шкоды навакольнаму асяроддзю і насельніцтву, ані пацярпелых сярод персаналу.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў6
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1313
Каментары