У пашпартах беларусаў з'явіцца штамп з групай крыві? Міністэрства аховы здароўя патлумачыла новую пастанову
Інфармацыя пра тое, што адзнаку з групай крыві будуць ставіць ва ўсе пашпарты беларусаў, якая з'явілася ў сацыяльных сетках, была патлумачана няправільна.
Міністэрства аховы здароўя ў афіцыйным каментары расказала, што новая пастанова толькі зацвердзіла новы парадак унясення ў пашпарты і ДНЖ штампаў пра групу крыві па сістэмах АВ0, Rh і іншых класіфікацыях.
Насамрэч такія адзнакі існавалі больш за 40 гадоў і ставіліся ў пашпарт выключна па жаданні самога ўладальніка.
«У дакуменце засталася норма пра тое, што штамп пра групу крыві можа быць унесены толькі па жаданні грамадзяніна ў пашпарт або дазвол на жыхарства. Але важна адзначыць, што адзнака не ўносіцца ў ідэнтыфікацыйную карту грамадзяніна Рэспублікі Беларусь, дыпламатычныя, службовыя і біяметрычныя пашпарты, а таксама іншыя дакументы, прызначаныя для выезду з Рэспублікі Беларусь і (або) уезду ў яе», — патлумачылі ў ведамстве.
Цяпер чытаюць
Памятаеце чыноўніка, якога крэатыўна адмазалі ад забойства чалавека на паляванні? Ён адмазаўся зноў3
Каментары