Дарадца прэзідэнта Літвы не выключае, што дрон у Беларусь маглі запусціць актывісты
Дарадца прэзідэнта па нацыянальнай бяспецы Марус Чэснулявічус кажа, што ў яго няма дакладнай інфармацыі пра інцыдэнт з дронам, які нібыта ў нядзелю прыляцеў з Літвы ў Гродна і раскідаў там чырвона-белыя сцяжкі, паведамляе LRT.
Ён адзначыў, што Беларусь магла прыдумаць гэтую гісторыю, але не выключыў магчымасці таго, што адпраўляць такі дрон з Літвы сапраўды маглі актывісты.
«Я пакуль не магу даць дакладнай інфармацыі, (…) магчымыя некалькі варыянтаў развіцця падзей», — сказаў Чэснулявічус у аўторак.
«Згодна з гэтай народнай версіяй, якую мы апісалі — «сам сябе б’е, сам крычыць», гэта можа быць правакацыя, арганізаваная імі самімі. Магчыма, якія-небудзь актывісты, гэта таксама нельга выключаць», — дадаў ён.
Дарадца адзначыў, што неабходнае дэталёвае расследаванне інцыдэнту.
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары
Зараз дронавы дэсант
Tut naadvarot, 1)pravakacyja suprać Lietuvy i, adnačasova, 2) pieravod strełak na aktyvistaŭ. Kamu heta vyhadna - dobra viadoma...