«Яндэкс Музыка» праз цэнзуру выдаліла альбом Leibonik. Гурт знайшоў выйсце ў стылі «белых плямаў»
Расійскаму стрымінгу не спадабаўся трэк «Грамадзянін» з жорсткімі пажаданнямі расійскім вайскоўцам.
Папулярны ў Беларусі стрымінг «Яндэкс Музыка» выдаліў альбом «Там» гурта Leibonik. Прычым зрабіў гэта праз цэнзуру.
«Напрыканцы вясны «Яндэкс Музыка» (самы папулярны ў Беларусі стрымінг) без папярэджання выдаліў песню HRAMADZIANIN, а разам з ёй і ўвесь альбом TAM», — расказаў у інстаграме лідар гурта Сяргей Башлыкевіч.
Музыка знайшоў элегантнае выйсце з сітуацыі ў стылі газет з белымі плямамі. Ён замяніў «Грамадзяніна» на трэк «Нема». Гэта інструментальная версія песні, якая не спадабалася цэнзарам. Так што кожны зможа праспяваць яе ў фармаце караоке.
«Спачатку я думаў проста прыбраць песню з альбома ці троху выправіць тэкст, але ўсё ж песня без словаў будзе гучаць больш красамоўна. І таму для «Яндэкс Музыкі» альбом TAM перазаліваецца ў рэдакцыі TUT — дзе на месца «Грамадзяніна» становіцца флейта NEMA», — піша Башлыкевіч.
Што магло не спадабацца «Яндэкс Музыцы»? Цалкам магчыма, пажаданні расійскім вайскоўцам, якія ўварваліся ва Украіну. Адзін з куплетаў трэка «Грамадзянін» гучыць так:
«Хто на Кіеў у БТРы едзе ўночы
Хай вернецца ў Растоў, але не вернуцца вочы
Хай хлопец заўральскі абдыме дома мамку
А ногі хай пакіне пад Сумамі ў танку
Хай збіты пад Харкавым у верталёце
Калі зможа, напіша: Абгарэў на рабоце
Хай Чорнае мора каскамі пазасыпе
Астраханскага духа ў самым поўным экіпе».
Стала вядома, якія беларускія выканаўцы былі самымі папулярнымі ў 2025 годзе на «Яндэкс Музыка»
«Беларусы нагадваюць чалавека з трывожным разладам». Паэт Віталь Рыжкоў пра званне сэкс-сімвала паэзіі, батл з Найдзёнавым, Каржа і Ціханоўскую
«На плячах маечка Mark Formelle». Гурт Leibonik выпусціў новы альбом
Беларусаў падзяляе не толькі згушчонка. Гурт Leibonik выпусціў песню пра іншыя жыццёвыя дылемы
Цяпер чытаюць
У Александрыі Лукашэнка пасадзіў да сябе 23‑гадовую прыгажуню20
Каментары