Рубіа заявіў, што ЗША збіраюцца купіць Грэнландыю, а не забіраць яе сілай
Дзяржсакратар ЗША паспрабаваў змякчыць рыторыку пасля ваяўнічых заяў Белага дома, піша The Wall Street Journal.
На закрытай нарадзе з кіраўніцтвам Кангрэса Марка Рубіа заявіў, што мэта адміністрацыі Трампа — купіць Грэнландыю ў Даніі, а не заваёўваць яе.
Паводле звестак The New York Times, Рубіа распавёў заканадаўцам, што Трамп даручыў распрацаваць новы план набыцця вострава.
Заявы Дзяржсакратара прагучалі на фоне ўсё больш ваяўнічай рыторыкі адміністрацыі Трампа. Перад гэтым прэс-сакратарка Белага дома Кэралайн Левіт у спецыяльнай заяве не стала выключаць прымяненне сілы для далучэння Грэнландыі.
«Прэзідэнт Трамп даў ясна зразумець, што набыццё Грэнландыі з’яўляецца прыярытэтам нацыянальнай бяспекі Злучаных Штатаў і жыццёва важна для стрымлівання нашых праціўнікаў у Арктычным рэгіёне.
Прэзідэнт і яго каманда абмяркоўваюць шэраг варыянтаў для дасягнення гэтай важнай знешнепалітычнай мэты, і, вядома, выкарыстанне ўзброеных сіл ЗША заўсёды застаецца варыянтам у распараджэнні галоўнакамандуючага», — адзначыла Левіт.
Трамп абмяркоўваў куплю Грэнландыі яшчэ падчас свайго першага тэрміну, але цяпер ён стаў больш настойлівым у жаданні зрабіць гэтую тэрыторыю часткай ЗША. Члены НАТА заявілі, што амерыканская атака на Грэнландыю — самакіравальны востраў у складзе Даніі — фактычна азначала б канец палітычна-ваеннага альянсу, які існаваў дзесяцігоддзямі.
Спецпасланнік Трампа ў Грэнландыі: Гаворка пра незалежнасць вострава, а не пра анексію
Кіраўнікі краін ЕС і Брытаніі: Выключна Данія і Грэнландыя маюць права вырашаць пытанні, што тычацца Даніі і Грэнландыі
У Трампа адмовіліся выключаць варыянт ваеннага захопу Грэнландыі
Прэм’ерка Даніі заклікала Трампа спыніць «пагрозы» ў дачыненні да Грэнландыі
Жонка дарадцы Трампа апублікавала карту Грэнландыі ў колерах сцяга ЗША
Трамп расказаў, навошта яму Грэнландыя
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй7
Каментары
Добра будзе, калі сапраўднай мэтай Трампа з'яўляюцца карысныя выкапні Грэнляндыі.
Але нешта мне падказвае, што гэта, хутчэй, выкананне задання Крамля па знішчэнні блока НАТА.