У чацвер, 15 студзеня, прэзідэнт ЗША Дональд Трамп правядзе сустрэчу ў Белым доме з лідаркай апазіцыі Венесуэлы і лаўрэаткай Нобелеўскай прэміі міру Марыяй Карына Мачада, паведамляе CNN.
Візіт Мачада ў Вашынгтон адбудзецца ў напружаны момант: пасля маланкавай аперацыі спецназа ЗША ў Каракасе 3 студзеня, падчас якой быў захоплены Нікалас Мадура, Трамп нечакана адмовіўся прызнаць Мачада як законную пераемніцу ўлады. Замест гэтага краіну часова ўзначаліла віцэ-прэзідэнтка Дэлсі Радрыгес.
Трамп публічна выказаў сумнеў у палітычнай вазе Мачада, заявіўшы, што ёй будзе цяжка кіраваць Венесуэлай, бо яна нібыта не мае падтрымкі і павагі народа. Акрамя таго, СМІ паведамлялі, што раздражненне Трампа выклікала рашэнне Мачада прыняць Нобелеўскую прэмію міру.
Сітуацыя вакол прэміі набыла кур’ёзны характар: Трамп намякаў, што Мачада павінна падарыць яму гэтую ўзнагароду. Аднак Нарвежскі нобелеўскі камітэт быў вымушаны выступіць з афіцыйнай заявай, што прэмія міру з'яўляецца імянною і не можа быць перададзена іншай асобе.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары