Баранавіцкая раёнка расказала гісторыю пра кацяня ў слоіку. Міліцыя назвала гэта фэйкам, створаным дзеля хайпу
Напярэдадні па сацыяльных сетках і СМІ шырока разышлася эмацыйная гісторыя. Жыхарка Баранавічаў выратавала кацяня, якое нехта закатаў у трохлітровы слоік і выкінуў каля смеццевых кантэйнераў.
Пра гісторыю, што здарылася яшчэ ў кастрычніку, напісала баранавіцкае дзяржаўнае выданне «Наш край», і перадрукавалі іншыя медыі.
Зараз Наш край» выдаліў матэрыял са свайго сайта. Па спасылцы на артыкул цяпер адкрываецца старонка з паведамленнем «Элемент не знойдзены!».
Міліцыя піша, што праверыла гэтую інфармацыю. Зазначаецца, што падчас размовы з меркаванай гераіняй гісторыі высветлілася, што жанчына не пацвердзіла ключавыя дэталі, выкладзеныя ў СМІ. Яна не змагла назваць ветэрынарную клініку, куды нібыта звярталася, і дакладна ўказаць, дзе і пры якіх абставінах з’явіўся яе гадаванец.
Праверка ўсіх магчымых ветэрынарных устаноў таксама не выявіла факту сутыкнення з такім выпадкам. У міліцыі канстатавалі: факт жорсткага абыходжання з жывёлай не знайшоў пацвярджэння.
Міліцэйскі канал назвал гэтую гісторыю назвалі фэйкам, створаным дзеля хайпу і прыцягнення аўдыторыі.
Каментары