З Мінеапаліса, ахопленага пратэстамі, з’едуць старшы камандзір Памежнай службы і частка агентаў
Пра гэта са спасылкай на ўласныя крыніцы паведамляюць Atlantic, а таксама Reuters і Associated Press. Паводле слоў аднаго з суразмоўцаў Reuters, неўзабаве пасля гэтага старшы камандзір Памежнай службы Грэг Бавіна пойдзе на пенсію.
Крытыка на адрас Бавіны ўзмацнілася ў апошнія дні на фоне ягоных заяў у абарону федэральных агентаў, якія падчас пратэстаў у Мінеапалісе застрэлілі мясцовага жыхара Алекса Прэці.
Напярэдадні Дональд Трамп паведаміў, што для ўзаемадзеяння з мясцовымі ўладамі накіроўвае ў Мінесоту «цара межаў» Тома Хомана. Ён курыраваў дэпартацыі пры адміністрацыі дэмакрата Барака Абамы і лічыцца больш стрыманым і палітычна адчувальным кіраўніком, чым Бавіна. Пры гэтым у Белым доме адзначылі, што Бавіна працягне выконваць свае абавязкі.
Трамп таксама паведаміў, што правёў «вельмі добрыя» размовы з губернатарам Мінесоты Цімам Уолцам і мэрам Мінеапаліса Джэйкабам Фрэем (абодва — дэмакраты).
Паводле слоў Трампа, з Уолцам яны «апынуліся на адной хвалі», а ў офісе Фрэя заявілі, што прэзідэнт пагадзіўся: цяперашняя сітуацыя не можа працягвацца.
Каментары
«Служба іміграцыйнага і мытнага кантролю ЗША (ICE) вядзе шырокую дзейнасць унутры краіны. У той час як Служба мытнага і памежнага кантролю ЗША (CBP) займаецца аховай межаў, ICE з'яўляецца асноўным ведамствам, адказным за выкананне іміграцыйнага заканадаўства ва ўнутраных раёнах краіны»
Забыли за чей счёт живут