Цяпер на прадпрыемстве працуюць каля 1700 супрацоўнікаў.
У студзені 2026 года Эканамічны суд Віцебскай вобласці прызнаў «Белвест» эканамічна неплацежаздольным. Цяпер фабрыку чакае санацыя.
На СТБ расказалі, што «Белвест» плануе закрыць усе даўгі і стабілізаваць фінансавае становішча за тры гады.
«Не закладваецца ў план санацыі дадатковае прыцягненне банкаўскіх крэдытаў, нарошчванне даўгоў. У дадзеным выпадку мы разлічваем на зароблены прыбытак у першую чаргу», — сказаў Мікалай Міронаў, антыкрызісны кіраўнік «Белвест».
Даўгоў на прадпрыемстве — больш чым на 32 мільёны рублёў, высветліла раней «Люстэрка».
Таксама абутковая фабрыка шукае новыя рынкі збыту. Нядаўна дэлегацыя была ў М'янме.
Фабрыка «Белвест» была заснавана ў 1988 годзе ў Віцебску пры ўдзеле нямецкага канцэрна Salamander — гэта першае сумеснае прадпрыемства з заходнім капіталам на тэрыторыі тады яшчэ савецкай Беларусі. З 2003 года сярод заснавальнікаў былі канцэрн «Беллегпрам» і расійскае ЗАТ «Палітэкс», якое ў 2011 годзе змяніла ТАА «Інвестпрам». У 2019 годзе дзяржаўную долю ў памеры 55% прадалі ТАА «Група Белвест», астатнія 45% засталіся ў расіян.
Цяпер на прадпрыемстве працуюць каля 1700 супрацоўнікаў.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі20
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары