Урад Ціханоўскай прыняў пастанову «Аб беларускім партызанска-супраціўным руху»
Аб'яднаны пераходны кабінет прыняў пастанову №25 «Аб беларускім партызанска-супраціўным руху», у якой прапануюць прызначыць пенсію і ільготы ўдзельнікам гэтага руху і іх сваякам у выпадку смерці змагароў.
Намеснік кіраўніцы Аб’яднанага пераходнага кабінета Павел Латушка заявіў, што такой пастановай «Кабінет паказвае, як любая здаровая дзяржава павінна паводзіць сябе ў дачыненні да тых, хто за яе змагаецца. Ад сябе хачу дадаць яшчэ адну важную рэч. Тысячы беларусаў і беларусак прайшлі альбо незаконна знаходзяцца ў турмах рэжыму Лукашэнкі. З’яўляюцца палітвязнямі. Гэта праваабарончы статус. Пастанова Кабінета, як протадзяржаўнага інстытуту, у сваю чаргу фактычна надае гэтым людзям дадатковы статус, адпаведны іх важнай гістарычнай і грамадска-палітычнай ролі ў жыцці Рэспублікі Беларусь. І бярэ на сябе абавязак не толькі зафіксаваць яе на будучыню, але ўжо сёння, зараз змагацца за свабоду кожнага і кожнай з іх даступнымі нам сродкамі, у тым ліку праз міжнародны і санкцыйны ціск».
Прадстаўнік па абароне і нацыянальнай бяспецы АПК Вадзім Кабанчук зазначае, што рух супраціву быў розны і эвалюцыянаваў.
«Былі такія групы як «рэйкавыя партызаны», групы Аліневіча, «Чорныя салаўі». Мы звяртаем увагу на ўсе групы патрыётаў, незалежна ад інструментаў барацьбы, выкарыстаных імі. Мы падкрэсліваем, што цэнім той унёсак людзей і іх ахвярнасць. Гісторыя і час усё раставяць на свае месцы. Гэтыя хлопцы і дзяўчаты ўвойдуць у падручнікі па гісторыі Беларусі як героі», — кажа Вадзім Кабанчук.
Па словах прадстаўніцы па сацыяльнай палітыцы Вольгі Зазулінскай, дакумент задае аснову для далейшай працы, у яго межах будуць выпрацоўвацца канкрэтныя і рэалістычныя механізмы сацыяльнай дапамогі, рэабілітацыі і гарантый. Пастанова ўлічвае і сем’і загінулых. «Гэта пытанне справядлівасці і чалавечай салідарнасці, без якіх немагчыма будаваць новую Беларусь», — дадала яна.
-
Мішусцін: Цана газу для стран ЕАЭС не перавышае 200 даляраў за 1000 кубаметраў
-
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»
-
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары
"Артыкул 7. Дзяржаўная мова
Пытанне аб дзяржаўнай мове (мовах) будзе пастаўлена асобна на Нацыянальным рэферэндуме. "
Цудоўна. Пытанняў няма. Давай дасвіданья.