16 лютага ў Бібліятэцы Універсітэта ў Лодзі адбудзецца прэзентацыя кнігі «Каласы пад сярпом тваім» Караткевіча без цэнзуры. У сустрэчы ўдзельнічаюць пісьменнік Уладзімір Арлоў і выдавец Яраслаў Іванюк, піша bellit.info.
Ёсць кнігі, з’яўленне якіх не бывае выпадковым. Выданне рамана Уладзіміра Караткевіча «Каласы пад сярпом тваім» Фондам Kamunikat.org было даўно чаканай падзеяй — як для чытачоў, так і для тых, хто ўспрымае беларускую літаратуру як жывую частку сучаснасці.
Раман, знаёмы многім пакаленням школьнікаў, быў выключаны з праграмы ў 2023 годзе. Але яшчэ нядаўна гэтую кнігу можна было прачытаць на «Валадарцы» і ў іншых турмах, дзе ўтрымліваюцца палітзняволеныя.
Некаторыя крытыкі лічаць, што «Каласы пад сярпом тваім» гэта «галоўная кніга нацыі»!
Зможаце ў гэтым пераканацца і вы падчас сустрэчы з выдаўцом Яраславам Іванюком з Фонду Kamunikat.org і Уладзімірам Арловым, які распавядзе між іншым пра ролю класіка ў яго асабістым лёсе.
Месца: Biblioteka UŁ, ul. Jana Matejki 32\38
Час: 16 лютага, 18:00
Уваход вольны.
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары