Сёння прайшло лёсаванне футбольнай Лігі нацый.
Зборная Беларусі гуляе ў дывізіёне С (самы моцны — А, самы слабы — D).
Зборная Беларусі трапіла ў адну групу з Албаніяй, Фінляндыяй і Сан-Марына.
Матчы пройдуць увосень з 24 верасня да 17 лістапада, прычым упершыню ў гісторыі будуць сыграныя адразу чатыры запар гульні: з 24 верасня да 6 кастрычніка. Тады ў еўрапейскіх чэмпіянатах прадугледжаны спецыяльны перапынак.
1‑ы тур — 24‑26 верасня, 2‑ы тур — 27‑29 верасня, 3‑ы тур — 30 верасня — 3 кастрычніка, 4‑ы тур — 4‑6 кастрычніка, 5‑ы тур — 2‑14 лістапада, 6‑ы тур — 15‑17 лістапада.
Каляндар матчаў з удзелам нашай каманды будзе вядомы пазней. Нацыянальную дружыну, нагадаем, узначаліў Віктар Ганчарэнка.
Пераможца групы выйдзе ў дывізіён В, каманда, якая зойме другое месца, будзе гуляць у стыкавых матчах з трэцяй камандай В, зборная, што зойме апошняе месца, апусціцца ў D.
У мінулым сезоне Лігі нацый у 2024 годзе Беларусь фінішавала трэцяй у групе следам за Паўночнай Ірландыяй і Балгарыяй і апярэдзіўшы Люксембург.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары