Злучаныя Штаты выйшлі на другое месца ў неафіцыйным камандным заліку.
Упэўнена лідзіруе Нарвегія, у якой 34 медалі, у тым ліку 16 залатых, восем срэбраных і 10 бронзавых.
У ЗША — 27 медалёў (9+12+6), Італіі — 26 (9+5+12), Францыі — 19 (6+8+15), у Нідэрландаў — 16 (6+7+3).
Амерыканцы ўчора заваявалі золата хакейнага жаночага турніру, а ў адзіночным фігурным катанні золата выйграла Аліса Лю. Срэбра заваявала японка Каоры Сакамота, бронза ў яе суайчынніцы Амі Накаі.
Усяго медалі бралі 27 краін з 95, што ўдзельнічаюць у Алімпіядзе.
Топ-10
Зімовая Алімпіяда скончыцца ў нядзелю.
Сёння будуць разыграныя медалі ў скай-кросе фрыстайла, забегу на каньках на 1500 метраў у жанчын, пройдзе мас-старт у біятлоне ў мужчын.
Таксама адбудуцца паўфіналы ў мужчынскім хакейным турніры: Канада — Фінляндыя, ЗША — Славакія.
Медалёў на гэтай Алімпіядзе ў беларусаў няма, упершыню з 1994 года.
Але на гэтых Гульнях у нас мінімальнае прадстаўніцтва, усяго сем чалавек, у ранейшыя разы было ад 27 да 33. Так здарылася ў тым ліку з-за міжнароднага бану біятланістаў і біятланістак, што рэгулярна прывозілі медалі. І беларускія хакеісты не былі дапушчаныя да адбору хакейнага турніру.
Апошняя беларуская прадстаўніца Марына Зуева мае ў суботу ўзяць удзел у мас-старце на каньках.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары