Ціханоўская праз непагадзь захрасла ў Венскім аэрапорце ФОТАФАКТ
Дэмакратычная лідарка Святлана Ціханоўская гэтымі днямі была ў Вене, дзе брала ўдзел у зімовай сесіі Парламенцкай асамблеі АБСЕ. Працоўная праграма была выканана паспяхова, а вось з вяртаннем у Варшаву выйшла накладка.
«Рэйсы з Вены адмянілі. Праз снег! Сяджу восьмую гадзіну ў аэрапорце. А як вы праводзіце вечар пятніцы?», — напісала Святлана Ціханоўская ў Threads.
У пятніцу Аўстрыя апынулася пад уздзеяннем моцных снегападаў, якія прывялі да закрыцця шэрагу дарог і часовага спынення працы венскага аэрапорта.
Мінулай ноччу ў краіну прыйшоў цыклон з Італіі, які прынёс значныя ападкі. У даліне Лезах выпала да 44 сантыметраў снегу, у Шрокене — каля 32 сантыметраў. На ўсходзе краіны, у раёне Санкт-Пёльтэна, Бад-Фёслау і на захадзе Вены, зафіксавана да 20 сантыметраў снегу.
Каментары