Супрацоўнікі службы эвакуацыі аддзяліліся ад «Байсола». Цяпер будзе ProEvac
Каманда эвакуацыі, якая больш за пяць гадоў працавала сумесна з «Байсолам», ад сёння пачынае самастойную дзейнасць як ініцыятыва ProEvac.
«Мы захоўваем ранейшую місію, падыходы і стандарты бяспекі. Падтрымка людзей, якія знаходзяцца ў небяспецы, застаецца для нас галоўным прыярытэтам», — гаворыцца ў паведамленні.
Звязацца з камандай па-ранейшаму можна праз Telegram:
Фёдар — @dogen_free,
Паша — @evac_help.
Падаць заяўку на эвакуацыю можна тут.
«Мы выбудавалі ўстойлівую сістэму дапамогі, адпрацавалі пратаколы бяспекі і набылі значны практычны вопыт у эвакуацыі людзей з зоны рызыкі. Для нас важна захоўваць магчымасць самастойнага развіцця.
Кірунак эвакуацыі ў «Байсоле» працягвае працаваць у сваім фармаце», — удакладняецца ў паведамленні.
Частка каманды эвакуацыі працягвае працаваць у «Байсоле». Тыя, каму трэба дапамога, могуць таксама звязвацца з ёй праз форму, апублікаваную на сайце фонду.
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары