Кітай запатрабаваў ад Ірана не перашкаджаць пастаўкам катарскага звадкаванага прыроднага газу
Кітай моцна залежыць ад паставак звадкаванага газу і нафты з краін Персідскага заліва. Асабліва ўразлівым яго робіць 30‑працэнтная залежнасць у імпарце звадкаванага прыроднага газу (ЗПГ) ад QatarEnergy.
Кітайскія чыноўнікі настойліва патрабуюць ад іранскіх не наносіць удары па такіх буйных экспарцёрах энергарэсурсаў, як Катар, паведамляе Bloomberg са спасылкай на топ-менеджараў кітайскіх энергетычных дзяржкампаній.
Таксама, па іх словах, Пекін просіць не атакаваць нафтавыя і ЗПГ-танкеры, якія праходзяць па Армузскім праліве, і не блакаваць яго, каб не перашкаджаць пастаўкам энергарэсурсаў.
На дадзены момант вядома як мінімум пра пяць камерцыйных судоў, пашкоджаных іранскім агнём. Суднаходства ў праліве практычна спынілася.
Іран будзе «спальваць» усе замежныя судны, якія паспрабуюць праз яго прайсці, заявіў раней дарадца камандуючага Корпусам вартавых ісламскай рэвалюцыі Ібрахім Джабары.
Паводле яго слоў, Тэгеран таксама гатовы «ўдарыць па ўсіх нафтаправодах у рэгіёне», каб спыніць экспарт нафты з Блізкага Усходу. Армузскі праліў застаецца адкрытым для грамадзянскага суднаходства, нягледзячы на заявы КВІР, настойвае Цэнтральнае камандаванне ЗША.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім13
Каментары