Стаў вядомы прысуд жыхару Светлагорска, затрыманаму пасля вяртання ў Беларусь
Праваабаронцы з «Гомельскай вясны» даведаліся, што жыхару Светлагорска Глебу Панасюку вынесены прысуд — пяць гадоў пазбаўлення волі ў калоніі.
34‑гадовы Панасюк апошнія некалькі гадоў жыў у Польшчы. 8 кастрычніка мінулага года ён вяртаўся ў Беларусь, каб наведаць бацькоў. На наступны дзень ён апошні раз выйшаў на сувязь — патэлефанаваў сябрам з вакзала ў Брэсце і паведаміў, што збіраецца ехаць цягніком дадому. Пасля гэтага сувязь з ім перапынілася, а сябры пачалі пошукі.
У снежні стала вядома, што мужчына знаходзіцца ў СІЗА № 3 у Гомелі. Да гэтага яго трымалі ў ізалятары часовага ўтрымання пасля адміністрацыйнага арышту.
Вядома, што пераслед Глеба Панасюка мае палітычны характар, але сутнасць выстаўленых яму абвінавачанняў, за якія вынесены такі суровы прысуд, дагэтуль застаецца невядомай.
Палітзняволенай фатографцы Наталлі Бачурынскай змякчылі прысуд. Яе выпусцілі на волю
Стаў вядомы прысуд адыёзнаму функцыянеру БРСМ з педафільскім мінулым, якога судзілі за здраду дзяржаве
«Усю справу жыцця — усё разбурылі». Што вядома пра справу выдання «Інтэкс-Прэс», рэдактары якога атрымалі вялікія турэмныя тэрміны
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары