Цяпер рапсавы алей павінен быць на паліцах усіх харчовых гандлёвых аб’ектаў, а не толькі ў гіпермаркетах, як гэта было раней.
Адпаведная пастанова Міністэрства антыманапольнага рэгулявання і гандлю апублікавана сёння на Нацыянальным прававым інтэрнэт-партале і ўступіць у сілу праз два месяцы.
Таксама ў дакуменце адзначаецца, што рапсавы алей павінны будуць прадаваць і ў нехарчовых крамах, калі там ёсць прадукты харчавання.
Патрабаванне ўведзена і для невялікіх неспецыялізаваных гандлёвых аб’ектаў, у якіх у тым ліку прадаюцца прадукты харчавання, уключаючы міні-маркеты і павільёны плошчай ад 50 кв. м.
Для гіпер– і супермаркетаў павысілі норму. Раней было дастаткова выставіць на паліцы 1—2 найменні. Цяпер у залежнасці ад плошчы аб’екта — ад 1 да 5.
Каментары
Не уверен что это здоровая альтернатива.