Міністр абароны Ізраіля Ісраэль Кац паведаміў, што ў ноч на 18 сакавіка ў Тэгеране быў забіты кіраўнік іранскай разведкі Ісмаіл Хаціб.
Хаціб узначальваў Міністэрства разведкі Ірана з 2021 года і ўваходзіў у найбліжэйшае кола вышэйшага кіраўніцтва краіны. Да гэтага ён займаў высокія пасады ў структурах бяспекі, судовай сістэме і апараце вярхоўнага лідара.
Пад яго кіраўніцтвам ведамства займалася як задушэннем унутранай апазіцыі, так і замежнымі аперацыямі супраць Ізраіля і краін Захаду.
Загінулы лічыўся адным з ключавых функцыянераў рэжыму і быў цесна звязаны з Маджтабам Хаменеі.
Раней ЗША абвясцілі ўзнагароду за яго галаву ў памеры 10 мільёнаў долараў. Афіцыйны Тэгеран пакуль не пракаментаваў гэтую заяву.
Учора стала вядома пра гібель ад ізраільскіх удараў сакратара Вышэйшай рады нацыянальнай бяспекі Ірана Алі Ларыджані і кіраўніка ваенізаванага апалчэння «Басідж» генерал-маёра Галамрэзы Сулеймані.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары
Калі ж ужо даведаемся пра нейкія вынікі ў пераможцаў аднаго дня ? :)