Бяляцкі: Першы раз я быў на святкаванні Дня Волі ў 1983 ці 84‑м годзе, у лесе пад Менскам, дзе падпольна сабралася пару дзясяткаў моладзі
Праваабаронца, нобелеўскі лаўрэат і экс-палітвязень у сваім фэйсбуку напісаў, як адзначаў Дзень Волі ў сваім жыцці.
«Дзень Волі ў калоніі праходзіў для мяне будзённа. Адміністрацыя, як і добрая частка беларусаў, на жаль, нічога не ведае пра гэтае свята. Я, па магчымасці, распавядаў найперш палітычным вязням, але і не толькі ім… У 22‑м годзе 25‑га сакавіка я сядзеў у менскім СІЗА ў «двойцы», і ўкраінцы біліся за сваю і за нашую незалежнасць, у 24‑ым — ізноў у «двойцы», толькі ўжо ў горацкай калоніі ў ПКТ. У абавязкі майго сукамерніка, забойцы і наркамана, уваходзіў штотыднёвы даклад аператыўніку пра мае паводзіны. Так што прыходзілася святкаваць самому з сабой.
Дзень Волі заўсёды ўспрыймаўся мной як светлае свята з прысмакам горычы. Багата зроблена, але сапраўднай волі мы яшчэ не дабіліся.
Першы раз я быў на святкаванні Дня Волі ў 1983 ці 84 годзе, у лесе пад Менскам, дзе падпольна сабралася пару дзясяткаў моладзі.
Мы паднялі бел-чырвона-белы сцяг, праспявалі «Мы выйдзем шчыльнымі радамі», выпілі па кроплі. Была радасць, што я з марамі пра незалежную Беларусь жыву не адзін», — напісаў ён.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары