У Польшчы накрылі падпольную тытунёвую фабрыку. Затрыманыя дзесяць беларусаў
Польскія памежнікі і мытнікі выкрылі міжнародную злачынную групу, якая займалася падпольнай вытворчасцю тытунёвых вырабаў. Яна дзейнічала ў Паморскім і Мазавецкім ваяводствах. З 12 затрыманых дзесяць — грамадзяне Беларусі, паведамляе Most са спасылкай на Памежную службу.
У Паморскім ваяводстве памежнікі выявілі вытворчую лінію для вырабу і сушкі тытуню, а таксама для вытворчасці і ўпакоўкі цыгарэт. На месцы канфіскавалі амаль 4,1 млн штук кантрафактных цыгарэт розных марак, больш за 4,7 тоны тытунёвай рэзкі, а таксама амаль 12,1 тоны сушанай тытунёвай сыравіны.
Кошт канфіскаваных тавараў ацэньваецца больш чым у 9 млн злотых (каля 2 млн даляраў). Калі б тавар трапіў на рынак, бюджэт страціў бы не менш за 25,2 млн злотых (5 млн даляраў) у выглядзе нявыплачаных акцызаў.
Таксама ператрус прайшоў на складзе ў Мазавецкім ваяводстве. Там канфіскавалі фільтры і абгорткі для цыгарэт.
У ходзе расследавання аператыўнікі затрымалі 12 членаў арганізаванай злачыннай групы, у тым ліку дзесяць грамадзян Беларусі, аднаго грамадзяніна Латвіі і аднаго паляка. Усе яны ўзяты пад варту тэрмінам на тры месяцы.
Справу вядзе Акруговая пракуратура ў Гданьску.
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары
Кстати, на Мосте значительное падение трафика в сравнении с предыдущими периодами, хоть вы ему регулярно помогаете и ставите ссылки на публикации этого издания.