Беларусы размятаюць квіткі ў Стамбул на чэрвень — усё праз канцэрт Каржа
6 чэрвеня Макс Корж выступае ў Стамбуле, і беларусы ўжо раскупляюць авіяквіткі туды. Хочаце далучыцца? Рыхтуйце тысячы рублёў.
Канцэрт адбудзецца 6 чэрвеня, і калі вы хочаце апынуцца ў Стамбуле проста ў дзень падзеі, «Белавія» прапануе прамы рэйс з прылётам у Турцыю ў 12:35. Вось толькі адна праблема — квіток на рэйс каштуе ажно 2186 рублёў, і тых квіткоў засталося, паводле сайта «Белавіі», толькі дзевяць штук.
Такая ж цана на прамы рэйс у Стамбул, калі ляцець 4 чэрвеня, але там засталося ўсяго два квіткі. Можна крышку сэканоміць, калі вылецець 5 чэрвеня — там квіток будзе каштаваць 1779 рублёў, у продажы яшчэ ёсць тры квіткі.
Столькі ж каштуюць квіткі з Мінска ў Стамбул, калі ляцець 1 ці 2 чэрвеня — праўда, на рэйс 1 чэрвеня яшчэ ёсць дзевяць квіткоў. Танней за ўсё на тым тыдні будзе ляцець 3 чэрвеня: калі ўхопіце адзін з тых шасці квіткоў, давядзецца сплаціць 1474 рублі.
Для параўнання, квіток на такі ж рэйс 31 мая каштуе 1271 рубель, а на рэйс 27 мая — увогуле 864 рублі.
Хочаце знайсці варыянт з перасадкай? Рыхтуйцеся да нязручных стыковак і вялікіх выдаткаў. Напрыклад, 4 чэрвеня позна ўвечары можна вылецець у Стамбул праз Баку, але 3,5 гадзін ноччу вы правядзеце ў бакінскім аэрапорце, чакаючы самалёта на Стамбул. І вядома, гэта ўсё будзе не танна — рыхтуйце каля 1200 рублёў за квіткі ў той бок.
Але гэта яшчэ палова бяды, бо трэба ж дабрацца са Стамбула дахаты. Калі вы пажадаеце вылятаць у Мінск 7 чэрвеня, «Белавія» прапануе рэйс у зручны час — 15:15. А квіток на такі рэйс каштуе 2252 рублі.
Вырашыце застацца ў Стамбуле яшчэ на дзень? Кошт на квіток у Мінск 8 чэрвеня каштуе ўжо 3031 рубель! І, вядома, нават такіх квіткоў засталося няшмат.
«Наша Нiва» — бастыён беларушчыны
ПАДТРЫМАЦЬЦяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары
Пацаны, тармазіце двіж...