Латвія апублікавала імя беларускага шпіёна і імёны яго расійскіх калег
MIDD адзначае, што расійскія і беларускія разведкі і службы бяспекі працяглы час супрацоўнічаюць.
«Фактычна, Беларусь вядзе збор разведдадзеных таксама ў інтарэсах Расіі, і яе ваенную разведку можна разглядаць як «філіял» ГРУ РФ», — гаворыцца ў справаздачы.
У справаздачы згадваецца Сяргей Баранаў, супрацоўнік ГРУ Генштаба УС Беларусі, а таксама афіцэры расійскага ГРУ Аляксей Пыжыкаў, Аляксей Леснікаў, Мікалай Чацверыкоў, Аляксандр Юшын, Аляксандр Гладкоў і Рыгор Іваноў.
Як заяўляе MIDD, расійскае ГРУ вярбуе агентаў для збору разведдадзеных і шукае іншых асоб, якіх можна ўцягнуць у супрацоўніцтва.
За стварэнне расійскай агентурнай сеткі на аператыўна-тактычным узроўні адказваюць разведвальныя цэнтры ў Маскве, Санкт-Пецярбургу, Калінінградзе і Смаленску. Яны асабліва актыўна займаюцца вярбоўкай грамадзян, якія рэгулярна ездзяць у Расію ці Беларусь.
У справаздачы таксама гаворыцца аб росце палітычнага і эканамічнага ўплыву Расіі ў Беларусі.
«Дыктатар Аляксандр Лукашэнка спрабуе аднавіць кантакты з заходнімі краінамі з мэтай змякчэння санкцыяў супраць Беларусі і стварэння ілюзіі суверэнітэту ў насельніцтва краіны. Фактычна Лукашэнка аказаўся залежным ад прыхільнасці Крамля, які выкарыстоўвае Беларусь як прыдатак расійскага ваенна-прамысловага комплексу, палітычнага васала і дадатковы прапагандысцкі інструмент», — гаворыцца ў справаздачы.
MIDD лічыць, што ўплыў Расіі на Беларусь, у тым ліку нефармальны, верагодна захаваецца і без Лукашэнкі, незалежна ад фармальнай структуры ўлады ў Беларусі.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары