Вячаслаў Глеб прызначаны галоўным трэнерам клуба GGS United, які будзе выступаць у мінскім дывізіёне футбольнай другой лігі, піша football.by.
Вячаслаў, малодшы брат Аляксандра Глеба, у свой час згуляў 10 матчаў за «Гамбург» у Бундэслізе, выступаў за «Франкфурт», швейцарскі «Грасхопер», але нідзе не здолеў стаць гульцом асновы. Гуляў у кітайскіх «Шанхай Шэньхуа», «Шэньчжэнь Рубі», грэцкім «Калоні».
У чэмпіянаце Беларусі гуляў за МТЗ-РІПА, «Тарпеда-БелАЗ», «Крумкачоў», «Нёман».
Апошнім клубам Глеба-малодшага стаў дзяржынскі «Арсенал», за які форвард выступаў у 2019—2020 гадах. Пасля завяршэння кар’еры гульца працаваў дзіцячым трэнерам.
У актыве Вячаслава 45 матчаў і 12 галоў за нацыянальную зборную Беларусі.
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі2
Каментары