Рэпер Лайтовы, які чытае па-беларуску, сабраў залу на сваім сольніку-прэзентацыі новага альбома «Погляд унутр» у Мінску.
«Даў добрага вогнішча, канцэрт прайшоў на 10 з 10!», «Гэта было неверагодна», «Зайздрошчу ўсім прысутным» — папаўняюцца водгукамі гледачоў сацсеткі. Артыст адыграў дзве гадзіны з жывым гукам на сталічнай арт-пляцоўцы «Рэха» — падзею ўжо назвалі адной з самых важных за апошні час з’яваў у гісторыі беларускага рэпа.
Аляксей Грызунт, ён жа Лайтовы, вядомы па сваіх хітовых трэках «Зарапад», «Кінцугі» і «Шагалам». Хлопец піша музыку з 2017 года. Лёша вырашыў выходзіць на больш шырокую публіку ў 2023‑м — тады, акурат, выйшаў яго міні-альбом пад назвай Error-404.
На прэзентацыі рэперу дапамагаў «Лайтовы Бізнэс» разам з перформанс-групай Sinanimija.
Паслухайце, як гучаў на канцэрце адзін з трэкаў артыста «Светлае нефільтраванае».
Анлайн-прэм’ера альбома «Погляд унутр» адбудзецца 24 красавіка на ўсіх музычных пляцоўках.
Каментары
Жыве беларускі андэрграўнд!