Энерганасычаныя трактары Belarus 3522 здольныя выконваць самыя складаныя задачы.

— Калі ў першым квартале 2025‑га нашым прадпрыемствам было выпушчана 122 трактары Belarus 3522, то па выніках першых трох месяцаў гэтага года фактычны выпуск склаў 268 адзінак гэтай мадэлі, — цытуе прэс-служба прадпрыемства начальніка механазборачнай вытворчасці МТЗ Паўла Лісоўскага.
Прадпрыемства плануе штомесяц вырабляць не менш за 90 адзінак Belarus 3522.
ААТ «Мінскі трактарны завод» — адзін з лідараў сусветнага сельгасмашынабудавання. Прадпрыемства было заснавана 29 мая 1946 года. Выпускае трактары, камунальную тэхніку, тэхніку для зімовых відаў спорту, шасі ўніверсальныя, лясныя машыны ды інш. На прадпрыемстве працуюць больш за 15 тысяч чалавек. Мінскі трактарны завод з’яўляецца кіраўнічай кампаніяй «МТЗ-Холдынга», зарэгістраванага 1 жніўня 2014 года. Акрамя галаўнога прадпрыемства, у структуру холдынга ўваходзяць 14 адкрытых акцыянерных таварыстваў.
Каментары