Новую медыцынскую паслугу — правядзенне МРТ у начны час — укаранілі ў 2‑й цэнтральнай раённай паліклініцы Мінска, што ў Кунцаўшчыне, піша БелТА.
«Гэта першы досвед работы МРТ у начны час у дзяржаўнай паліклініцы. Пакуль апарат працуе ўночы з чацвярга на пятніцу штотыднёва, але калі ў першыя месяцы даследаванні ў начны час будуць запатрабаваныя, пералік устаноў аховы здароўя пашыраць», — адзначылі ў камітэце здароўя Мінска.
«МРТ у сучаснай дыягностыцы займае адно з вядучых месцаў. Начны час для некаторых грамадзян з’яўляецца больш зручным, бо для абследавання некаторых органаў і тканак спецыялісты рэкамендуюць не есці і не піць 6—8 гадзін. Пры абследаванні ўначы гэтае патрабаванне выканаць прасцей. Спадзяёмся, што даследаванне на МРТ уначы будзе запатрабаванае», — падкрэсліў галоўны доктар 2‑й ЦРП Мікалай Трубчык.
Цяпер чытаюць
Загнуўся бізнэс члена хакейнай каманды Лукашэнкі, які абяцаў пабудаваць лыжны манеж за Вярхоўным судом узамен на ласыя ўчасткі3
Каментары