Андрэй Хадановіч запрашае на анлайн-курс пра беларускую паэзію ў кантэксце сусветнай культуры
Курс Андрэя Хадановічапра беларускую паэзію ў кантэксце сусветнай культуры называецца «Таварыства жывых паэтаў і паэтак». Ён пра ўплывы і «паралельныя» адкрыцці, пра пераклад і містыфікацыі, пра тое, як вершы становяцца песнямі, а паэзія — мовай пратэсту, супраціву і салідарнасці.
Гэты курс для вас, калі вы:
— любіце паэзію і хочаце бачыць у ёй больш: кантэксты, сувязі, уплывы і схаваныя гісторыі;
— хочаце лепш разумець беларускую паэзію і яе месца ў сусветнай літаратуры;
— цікавіцеся літаратурай і хочаце бачыць за вершамі не толькі тэкст, але і эпоху, пераклады, містыфікацыі, музыку і асабістыя гісторыі аўтараў;
— выкладаеце, пішаце ці працуеце з тэкстамі і шукаеце новыя прыклады, сюжэты, ракурсы і пункты гледжання»
— хочаце правесці час з Андрэем Хадановічам і паглядзець на беларускую паэзію праз яго оптыку.
Курс будзе складацца з 10 лекцыяў-заняткаў:
- Як сплятаўся «Вянок»? Максім Багдановіч і папярэднікі: Шарль Бадлер, Поль Верлен ды іншыя.
- «Курганы шмат чаго нам гавораць»: Янка Купала і Уільям Батлер Ейтс.
- Фантомныя болі двух Міцкевічаў: паэмы «Пан Тадэвуш» і «Новая зямля».
- Нерасстраляныя паэмы: беларускае і габрэйскае.
- Аркадзь Куляшоў — містыфікатар: таемная гісторыя верша «Бывай» (і песні «Алеся»).
- «Амплітуда смеласці»: Максім Танк, Рыгор Барадулін, Міхась Стральцоў.
- «Каардынаты быцця»: паэтычныя адкрыцці Алеся Разанава.
- Беларусь — нацыя паэтак? Жаночая лірыка ад Бандарынай да Бандурынай.
- Паэты і фронтмэны: беларускія вершы, музыка і сцэна
- «На беразе Волі»: беларуская паэзія 20-х.
Пасля курсу вы будзеце глядзець на беларускую паэзію — і на сваю культуру — з гонарам і разуменнем, якіх раней не хапала, абяцаюць арганізатары.
Цяпер чытаюць
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары