АЗС выступілі супраць рэгулявання цэн у сваіх крамах на запраўках
Сеткі аўтазаправачных станцый звярнуліся ў МАРГ з просьбай адмяніць для іх цэнавае рэгуляванне, распавялі ў прэс-службе ведамства.
З калектыўным зваротам да міністэрства звярнуліся ключавыя гульцы рынку, уключаючы дзяржаўны канцэрн «Белнафтахім», прыватную сетку «А-100 АЗС», а таксама замежных аператараў — «Газпрамнафта-Белнафтапрадукт», «ЛУКОЙЛ Беларусія» і «Татбелнафтапрадукт».
Бізнэс настойваў на тым, што спецыфіка працы прыдарожнага сэрвісу патрабуе большай гнуткасці ў вызначэнні гандлёвых надбавак, якія цяпер абмежаваныя дзяржавай.
Сеткам АЗС неабходна кампенсаваць высокія эксплуатацыйныя выдаткі і падтрымліваць кругласутачны фармат працы.
Тым не менш, у МАРГ пасля аналізу пазіцый розных дзяржорганаў і магчымых наступстваў прапанову не падтрымалі.
Пры гэтым у міністэрстве адзначылі, што гатовыя працягваць працаваць над «удасканаленнем» сістэмы рэгулявання.
Каментары