«Трэба быць с*кай, каб не падманулі?» Беларуска абураная сэрвісам на Камароўскім рынку
Камароўка апынулася ў цэнтры скандалу. Усё пачалося з простага паходу па ягады. Сваёй гісторыяй падзялілася карыстальніца Threads, заўважыла «Точка».
«Схадзіла купіць ягад, у маім улюбёным месцы не было прадаўца, таму я пайшла ў іншае. Папрасіла маленькі латок клубніц, 500 г чарэшні і АДЗІН персік», — расказвае дзяўчына.
Паводле яе слоў, прадавачка прапаноўвала ёй узяць больш, але пасля адмовы з незадаволеным выглядам склала ўвесь тавар у адзін вялікі пакет. Дзяўчына яго не праверыла і адразу пайшла дадому.
«Я вырашыла памыць ягады, і калі я ўбачыла, што ляжыць у пакетах, у мяне пачалася амаль істэрыка: палова латка клубніц гнілая, чарэшня гнілая і пачварная ўся, замест аднаго нармальнага персіка мне паклалі два гнілыя», — напісала беларуска.
Яна заявіла, што такія прадукты есці зусім не хочацца, ды і есці там няма чаго. А 25 рублёў былі выдаткаваныя дарэмна.
«Цікава, каб цябе не падманвалі ў гэтым цудоўным месцы, трэба абавязкова выглядаць як с*ка, можа? Ці трэба пагаджацца на ўсё, што ўцюхваюць, каб паесці свежых ягад?» — задалася пытаннем дзяўчына.
«МАРГа на іх не хапае»
Галінку з абмеркаваннем паста за пару дзён прагледзелі амаль 200 тыс. разоў. Абмінуць яе не змог і афіцыйны акаўнт Камароўкі.
«Напішыце, калі ласка, нам у інстаграм: паспрабуем вызначыць пункт. Але клубніцы не гнілыя, а прымятыя. Па чарэшні не зразумела, але будзем разбірацца)», — адказалі дзяўчыне.
Нягледзячы на гэта, бура абурэння ўжо была паднятая. Многія распавялі, што ў апошнія гады перасталі купляць на рынку. Сярод прычын — нахабныя прадаўцы, абважванні і якасць тавараў.
Іншыя раяць часцей заглядваць на рынак і купляць толькі ў правераных прадаўцоў. Тады праблем узнікнуць не павінна.
Частка каментатараў заклікала МАРГ і санстанцыю звярнуць увагу на тое, што адбываецца, і прыйсці на Камароўку з праверкай.
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары