Беларускія турфірмы тэрмінова пераробліваюць аўтобусныя маршруты ў Грузію — час у дарозе павялічваецца на 4‑5 гадзін
Пасля таго, як у турыстычны аўтобус з беларусамі ў Бранскай вобласці прыляцеў дрон, беларускія турысты пачалі панікаваць. Бо па тым жа маршруце звычайна везлі і людзей на адпачынак у Грузію. Турфірмы ўжо прапаноўваюць больш бяспечны варыянт.
Пра змены адным з першых распавёў у тыктоку Дзмітрый Мілаванаш, дырэктар «Славія Тур». Яго кампанія сёння ноччу адпраўляла турыстаў у Грузію ўжо па новым маршруце:
— Усе нашы маршруты ў адпаведнасці з рэкамендацыямі МЗС Беларусі скарэктаваныя. Ужо сёння наш аўтобус, які вяртаўся назад з Грузіі, пасля Варонежа павярнуў у іншы бок. Ён паехаў у аб'езд Бранскай вобласці. І ўсе наступныя маршруты ў нас таксама скарэктаваны і едуць праз Смаленскую і Тульскую вобласці. Адпаведна, потым трапляюць у Варонеж, а адтуль на трасу М4, і рухаюцца да Верхняга Ларса па ёй.
Все маршруты автобусных туров в/из Грузии скорректированы в объезд Брянской области через Смоленскую и Тульскую. Это увеличивает время в пути на 4-5 часов ориентировочно, но безопасность пассажиров всегда на первом месте. Мы следим за ситуацией и слушаем рекомендации МИД Беларуси и прочих контролирующих органов.
Дзмітрый адзначыў, што праз гэта час у дарозе павялічваецца ў сярэднім на 4‑5 гадзін.
Журналіст «Нашай Нівы» як турыст звярнуўся ў некалькі беларускіх турфірм і ўсюды яму пацвердзілі, што маршрут у Грузію быў тэрмінова перароблены. Цяпер беларусам прапаноўваюць выязджаць праз Магілёўскую вобласць у Смаленскую вобласць.
Пакуль што кажуць, што на кошт гэта не паўплывае.
РНБА Украіны: Правакацыя нікчэмная і мае ўсе прыкметы скаардынаванай аперацыі без якіх-небудзь фактычных доказаў
Дзяржканалы поўняцца абвінавачваннямі на адрас Украіны. Ніводзін дзяржканал не апублікаваў каментары ўкраінцаў. Рэакцыі Лукашэнкі дагэтуль няма
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?
Дзяцей-футбалістаў з Рэчыцы павезлі ў Геленджык па прыфрантавой вобласці Расіі. У аўтобус трапіў беспілотнік
Цяпер чытаюць
Лукашэнка загадаў забараніць арганізаваныя паездкі дзяцей за мяжу без дазволу дзяржавы12
Каментары
[Зрэдагавана]