2 ліпеня Лукашэнка накіруецца ў Інданезію з дзяржаўным візітам. Зараз у Інданезіі знаходзяцца міністр замежных спраў Максім Рыжанкоў, віцэ-прэм'ер Віктар Каранкевіч, а ў Джакарце адкрыўся інданезійска-беларускі бізнэс-форум.
30 чэрвеня Рыжанкоў сустрэўся з міністрам замежных спраў Інданезіі Сугіёна ў рамках падрыхтоўкі візіту Лукашэнкі.
«Падчас сустрэчы міністры абмеркавалі падрыхтоўку маючага адбыцца дзяржаўнага візіту, у тым ліку шэраг двухбаковых дакументаў і пагадненняў, якія плануецца падпісаць у яго рамках. Абодва бакі выказалі ўдзячнасць за цесную каардынацыю паміж сваімі міністэрствамі і ведамствамі, якая забяспечыла паспяховую падрыхтоўку візіту», — гаворыцца ў прэс-рэлізе Міністэрства замежных спраў Інданезіі.
Тры тыдні таму Лукашэнка ў інтэрв'ю каналу «Аль-Арабія» казаў, што магчыма ў найбліжэйшы час паляціць у Інданезію.
«З В’етнамам у нас добрыя адносіны, з М’янмай. З Інданезіяй (вось мой наступны візіт туды будзе) нядрэнныя адносіны выбудаваліся, мы туды і прадаем, і тэхналогіі нашы яны просяць», — казаў ён.
Лукашэнка знаходзіцца ў Кітаі з нядзелі.
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала14
Каментары