Збеглы папугай тыдзень вандраваў пад Мінскам, сілкаваўся часнаком, але вярнуўся
Гісторыя са шчаслівым фіналам здарылася з папугаем па мянушцы Сцеша, які знік тыдзень таму ад гаспадароў у Лагойскім раёне. Пра вяртанне ўлюбёнца дадому паведаміла гаспадыня птушкі ў сваім акаўнце.
Вандроўка Сцешы атрымалася маштабнай: птушка здзейсніла тур па маршруце вадасховішча Вяча — мінскі мікрараён Зялёны Луг — Ждановічы. Менавіта таварыства ў Ждановічах стала фінальнай кропкай уцёкаў.
Раніцай гаспадарам патэлефанавалі мясцовыя жыхары і распавялі, што птушку, якую шукалі, заўважылі на агародзе, дзе тая з апетытам есць вішню і часнок.
Пасля некалькіх гадзін пошукаў Сцешу ўдалося знайсці і злавіць.
Птушка была абяссіленая і галодная, але цяпер яна ўжо дома, у цяпле і спакоі.
«Не апісаць словамі, як мы ўдзячныя кожнаму, хто адгукнуўся і верыў! У які раз пераконваюся, што калі здараюцца цяжкасці ў жыцці, галоўнае захоўваць веру і добрае сэрца», — напісала гаспадыня Сцешы.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося33
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары