«Нам людзі патрэбныя, і пажадана з Узбекістана». Лукашэнка запрасіў узбекаў масава ехаць у Беларусь
Аляксандр Лукашэнка 9 ліпеня правёў у Мінску перамовы з прэзідэнтам Узбекістана Шаўкатам Мірзіёевым. Бакі абмеркавалі развіццё двухбаковага супрацоўніцтва і падпісалі Дэкларацыю аб стратэгічным партнёрстве.
Падчас сустрэчы Лукашэнка заявіў, што Беларусі патрэбныя працоўныя кадры, і выказаў жаданне, каб на працу ў краіну прыязджалі грамадзяне Узбекістана разам з сем'ямі.
«У нас узбекаў любяць, таму перш чым пакістанцы, хачу, каб вашы людзі да нас прыязджалі сем’ямі. У сельскай гаспадарцы мы даем жыллё […] Бясплатная адукацыя, ахова здароўя — усё гэта бясплатна, як нашым беларусам, роўныя ўмовы. У горадзе трэба трошкі пачакаць, і жыллё будзе. Нам людзі патрэбныя, і пажадана з Узбекістана. Вельмі добрыя людзі».
Таксама ён адзначыў, што ў 2025 годзе тавараабарот паміж Беларуссю і Узбекістанам дасягнуў аднаго мільярда даляраў, а ў перспектыве краіны могуць павялічыць яго да двух мільярдаў.
Асобную ўвагу бакі надалі сумесным эканамічным праектам. Лукашэнка выказаў надзею, што пры падтрымцы Узбекістана Беларусь зможа актыўней выходзіць на рынкі трэціх краін, найперш у рэгіёнах, дзе Ташкент мае трывалыя эканамічныя сувязі.
Акрамя таго, абмяркоўвалася пашырэнне супрацоўніцтва ў машынабудаванні, сельскай гаспадарцы, гуманітарнай сферы і медыцыне. Лукашэнка таксама заклікаў грамадзян Узбекістана прыязджаць у Беларусь на лячэнне.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары