Оргіі, ілжэабрады і алкаголь. На Віцебшчыне затрымалі кіраўніка секты
ГУБАЗіК са спецназам затрымлівалі 40‑гадовага жыхара Віцебшчыны, які кіраваў сектамі, паведамляе МУС. Згодна з паведамленнем міліцыі, мужчына зарабляў на платных анлайн– і афлайн-рытуалах, а таксама збіраў грошы на храм, аднак увесь прыбытак траціў на алкаголь і арганізоўваў оргіі.
Як піша МУС, 40‑гадовы жыхар Віцебшчыны арганізаваў і кіраваў дзейнасцю псеўдарэлігійных арганізацый, сект, у тым ліку прызнаных экстрэмісцкімі. Для папулярызацыі сваёй дзейнасці і прыцягнення новых паслядоўнікаў мужчына стварыў і адміністраваў акаўнты ў сацсетках, дзе не толькі прапаноўваў царкоўныя паслугі, але і размяшчаў парнаграфічныя матэрыялы.
Грошы, якія ён збіраў нібыта на ўладкаванне храма, траціў на алкаголь, паведамляе міліцыя.
Паводле МУС, у сваім доме мужчына арганізоўваў групавыя оргіі, у якіх сам прымаў удзел. Пры гэтым не папярэджваў партнёраў пра свой станоўчы ВІЧ-статус, ставячы іх у небяспеку заражэння. Акрамя таго, падвяргаў гвалту знаёмага, у сувязі з чым той выказваў намеры пра самазабойства.
Мужчына раней адбываў пакаранне за распусныя дзеянні ў дачыненні да непаўналетніх, распаўсюджванне парнаграфічных матэрыялаў, а таксама за крадзеж рэлігійных прадметаў.
Затрыманы змешчаны ў ІЧУ.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары