Узброеныя сілы Украіны ўпершыню збілі расійскі знішчальнік з дапамогай знішчальніка F-16. Пра гэта заявіў старшыня Аб'яднанага камітэта начальнікаў штабоў ЗША генерал Дэн Кейн.
«Нядаўна мы сталі сведкамі першага паветранага бою, у якім украінскі F-16 збіў расійскі знішчальнік. За апошнія некалькі гадоў дзякуючы падтрымцы шматлікіх партнёраў Украіна значна ўзмацніла сваю эшаланаваную сістэму абароны», — сказаў Кейн падчас слуханняў у Камітэце Сената ЗША па асігнаваннях.
Генерала спыталі, як на Украіну можа паўплываць спыненне фінансавання сістэм супрацьпаветранай абароны. Кейн адказаў, што Кіеў праводзіць «неверагодную працу» па развіцці ўласнай абароннай прамысловасці.
«Гэта датычыцца як магчымасцяў класа «зямля — паветра», так і магчымасцяў класа «паветра — паветра»», — адзначыў генерал.
На пачатку ліпеня гэтага года Паветраныя сілы Украіны паведамілі пра знішчэнне на ўсходнім кірунку чарговага расійскага шматмэтавага знішчальніка Су-35. З дапамогай якога ўзбраення быў збіты самалёт, украінскія вайскоўцы не ўдакладнілі.
-
Зяленскі заявіў пра гатоўнасць да мірнага пагаднення з размежаваннем па цяперашняй лініі фронту
-
У Расіі чарговы рэгіён скараціў выплаты сем’ям загінулых на вайне супраць Украіны
-
Адрэзаў сабе ступню нажом для тушонкі і працягваў ваяваць. Гісторыя ўкраінца, якога эвакуявалі беспілотнікам пасля 491 дня на пазіцыі
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары