Пастаноўка ўжо заўтра.
Спектакль «Кот у ботах» Беларускага дзяржаўнага тэатра лялек, квіткі на які не купіць, можна будзе паглядзець бясплатна. Яго пакажуць у Ракаўскім дворыку (Мінск, вул. Ракаўская, 25) 25 ліпеня. Пачатак — а 15:00.
«Мы завяршаем тэатральны сезон! І па штогадовай традыцыі напрыканцы сезона запрашаем вас у Ракаўскі дворык на спецыяльны паказ спектакля «Кот у ботах». Асаблівая магія гэтага дня будзе ў акцёрскім складзе. На сцэну выйдуць легенды і любімцы публікі: заслужаны артыст БССР Уладзімір Грамовіч, Валерый Зяленскі, Багдан Карташоў, Аляксей Сянчыла і Сафія Бурдо», — пішуць у сацсетках тэатра.
«Мы невыпадкова выбралі «Ката ў ботах» для паказу ў Ракаўскім дворыку. Па-першае, гэта адзін са «старажылаў» нашага рэпертуару: сёлета спектаклю споўнілася 27 гадоў.
Яго паставіў заслужаны артыст БССР Уладзімір Пятровіч Грамовіч, які, дарэчы, таксама выйдзе на сцэну ў гэты дзень. Па-другое, «Кот у ботах» выдатна падыходзіць для вулічнага паказу: у ім шмат элементаў акцёрскай імправізацыі і гумару, якія так любяць нашы гледачы. Мы рады, што склалася добрая традыцыя — сустракацца з прыхільнікамі тэатра ў незвычайнай атмасферы, ва ўтульным Ракаўскім дворыку. Для нас гэта не проста выязное мерапрыемства. Кожны раз мы атрымліваем велізарнае задавальненне ад сустрэчы, зносін і эмоцый нашых гледачоў, — расказалі Onliner у Тэатры лялек.
Увечары таго ж дня Беларускі дзяржаўны тэатр лялек закрые свой 88‑ы сезон у родных сценах спектаклем «На чорнай-чорнай вуліцы».
Цяпер чытаюць
Бабарыка зоймецца бізнэсам — ужо адкрыў кампанію ў Германіі5
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1212
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу12
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары