Рэканструкцыя Пішчалаўскага замка на вуліцы Валадарскага выходзіць на новы этап: будаўнікі адначасова вядуць работы на некалькіх напрамках, пішуць Мінск-навіны.
Працы праводзяцца ва ўмовах паралельнага праектавання, што ўскладняе працэс.
На сённяшні дзень ужо завершаны знос 17 старых пабудоў, якія не маюць гісторыка-культурнай каштоўнасці. Таксама дэмантаваны старыя інжынерныя сеткі і выкананы першачарговыя супрацьаварыйныя мерапрыемствы.
Цяпер асноўныя сілы засяроджаны на двух напрамках: узвядзенні новага корпуса №3 і рэканструкцыі двухпавярховага будынка №2 (гісторыка-культурнага цэнтра), фасад якога выходзіць на вуліцу Валадарскага.
Будаўнікі прыступілі да ўмацавання сцен з дапамогай часовых металічных канструкцый — гэта неабходна для павышэння іх апорнай здольнасці. Далей запланаваны дэмантажныя работы ўнутры будынка, а таксама паглыбленне і ўмацаванне падмуркаў.
На тэрыторыі самога замка для выпрабаванняў перад узмацненнем падмуркаў бураць пробныя палі (восем штук). Акрамя таго, пачаўся мантаж вежавага крана.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары