Што за сям'ю забілі ў выніку ўдару па вёсцы пад Крывым Рогам — загінула шэсць чалавек, з іх чацвёра дзеці
Разам з бацькамі ў доме знаходзіліся сямёра дзяцей.
У пасёлку Радашнае Днепрапятроўскай вобласці ў выніку прамога трапляння балістычнай ракеты ў прыватны дом загінулі шэсць чалавек з шматдзетнай сям'і Воранавых, чацвёра з іх — дзеці, піша «Украінская праўда».
У выніку абстрэлу таксама пацярпелі як мінімум восем чалавек, сярод іх — двое дзяцей.
47‑гадовы Арцём і 41‑гадовая Алена Воранавы выхоўвалі дзесяць дзяцей.
Разам з бацькамі ў доме знаходзіліся сямёра дзяцей: 17‑гадовы Марк, 15‑гадовая Дамініка, 14‑гадовая Віёрыка, 12‑гадовы Захарый, 11‑гадовы Азарый-Ілай, 10‑гадовая Федэрыка і 6‑гадовая Эмілія.
«Таксама дома знаходзіўся паўтарагадавы ўнук Арцём — сын старэйшага сына, які цяпер служыць у войску. Старэйшая дачка Воранавых і яшчэ адзін сын зараз знаходзяцца за мяжой. Жывая таксама бабуля», — паведамляе выданне «Свае. Крывы Рог».
Пра гібель родных сын сям'і Мацвей даведаўся з мясцовай суполкі ў сацыяльных сетках.
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары