Колькі беларусаў атрымалі польскае грамадзянства за апошні час. Лічбы ўражваюць
З кожным годам колькасць атрымальнікаў павялічваецца.
Польскі пашпарт мае шалёную папулярнасць у беларусаў
Беларусы займаюць другі радок пасля ўкраінцаў па колькасці атрымальнікаў польскага пашпарта. Праўда, калі глядзець на даныя з папраўкай на агульную колькасць насельніцтва саміх Беларусі і Украіны, то папулярнасць атрымання польскага пашпарту самая вялікая менавіта ў беларусаў.
Адметна, што на трэцім месцы ідуць расіяне, праўда, з вялікім адставаннем.
Калі летась польскі пашпарт атрымалі каля 10 тысяч украінцаў і каля 6500 беларусаў, то расіян было ўсяго 759 чалавек, але гэта не замінае ім займаць трэці радок, прычым далёка не першы год.
Агулам атрымліваецца, што ў 2025 годзе з 19 тысяч новых грамадзян Польшчы — 17 тысяч (або 90%) прыпадае на ўкраінцаў, беларусаў і расіян.
Каля 60% атрымальнікаў польскага грамадзянства складаюць асобы, якія маюць польскае паходжанне.
Колькасць беларусаў з польскім пашпартам расце кожны год
У 2022 годзе польскае грамадзянства атрымалі 3400 беларусаў.
У 2023‑м ужо каля 4400 беларусаў сталі грамадзянамі Польшчы.
У 2024‑м грамадзянамі Польшчы сталі амаль 5700 беларусаў.
Па выніках 2025 года гэтая лічба дасягнула 6500 чалавек.
Атрымліваецца, што толькі за апошнія чатыры гады польскі пашпарт атрымалі каля 20 тысяч грамадзян Беларусі.
І як бачна па статыстыцы, колькасць новых грамадзян Польшчы з ліку грамадзян Беларусі стабільна расце. Для параўнання, у 2020‑2021 гадах польскія пашпарты атрымлівалі каля 2100 беларусаў штогод.
І калі Польшча не ўнясе змены ў законы, якія рэгулююць атрыманне грамадзянства (а такія размовы гучаць усё часцей), то лічба беларусаў, якія атрымліваюць польскі пашпарт, працягне расці. З кожным годам усё больш беларусаў дасягаюць той часавай адзнакі, пасля якой можна падавацца на атрыманне грамадзянства, нават не маючы польскіх каранёў.
Цяпер чытаюць
Колькі беларусаў атрымалі польскае грамадзянства за апошні час. Лічбы ўражваюць26
Каментары