Каранік пакаштаваў смажаных цвыркуноў і загадаў уключыць іх у меню сталовай Акадэміі навук
Вучоныя збіраюцца расказаць пра пажыўныя ўласцівасці цвыркуноў ды чарвякоў і пачаставаць усіх на адмысловым фестывалі.
У інстаграме старшыні Нацыянальнай акадэміі навук Уладзіміра Караніка з'явілася незвычайнае відэа. На ім чыноўнік разам са сваім намеснікам Аляксандрам Труханавым ядуць смажаных у фрыцюры цвыркуноў. Труханаў называе гэта альтэрнатыўнай крыніцай бялку.
Экзатычная закуска падалася Караніку смачнай і ён нават прапанаваў падначаленаму падумаць наконт соусаў і ўключыць насякомых у меню кафэ Акадэміі навук.
Затым Аляксандр Труханаў расказаў Караніку, што на фестывалі навукі, які пройдзе ў пачатку верасня ў Батанічным садзе, НАН Беларусі зладзіць лекторый, на якім будуць распавядаць пра пажыўную каштоўнасць цвыркуноў і чарвякоў. Акрамя таго, анансуецца, што любы ахвотны зможа пакаштаваць некалькі альтэрнатыўных крыніц бялку.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары