«Гэта сапраўды такія рэдкія ці складаныя ягады?» Беларуса абурыла цана на ажыны
Ягадны сезон у Беларусі працягваецца, але цэны на некаторыя сезонныя прадукты здольныя здзівіць. У сацыяльных сетках адзін з карыстальнікаў звярнуў увагу на незвычайна дарагія ягады: за кілаграм прадавец прасіў 55 рублёў, заўважыла Tochka.by.
Мужчына пацікавіўся, ці сапраўды гэта настолькі рэдкія або складаныя ў вырошчванні ягада. Ён успомніў, што ў дзяцінстве такія ягады раслі паўсюль, падалі на зямлю, і асабліва ніхто іх не еў.
Спачатку аўтар допісу падумаў, што на фота шаўкоўніца. Аднак у каментарах яго паправілі: на здымках былі садовыя ажыны.
Карыстальнікі паспрабавалі растлумачыць, чаму кошт ажынаў мог так вырасці. Паводле адной з версій, на плантацыях ягады моцна пацярпелі ад вымярзання, таму ўраджай сёлета невялікі. Адзін з каментатараў адзначыў, што ажынаў сапраўды мала, але нават з улікам гэтага 55 рублёў за кілаграм — занадта высокая цана.
Іншы ўдзельнік абмеркавання расказаў, што на аптовым рынку ажыны ў ягоным рэгіёне прымаюць прыкладна па 12 рублёў за кілаграм. Таму рознічную цану 55 рублёў ён назваў відавочным завышэннем.
Большасць каментатараў таксама палічыла такую цану празмернай. Людзі пісалі, што ў сезон садовыя ажыны не павінны каштаваць настолькі дорага. Некаторыя расказвалі, што куплялі буйныя і салодкія ажыны непасрэдна ў мясцовых фермераў прыкладна па 11 рублёў за кілаграм, прычым з дастаўкай.
Яшчэ адна беларуска адзначыла, што ў яе рэгіёне, у Гомельскай вобласці, ажыны прадаюць невялікімі паўлітровымі слоікамі прыкладна па 5 рублёў.
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары