Беларусь лідзіруе на постсавецкай прасторы па колькасці электрамабіляў на душу насельніцтва
Парк электрамашын у Беларусі дасягнуў 65 тысяч.
Паводле Мінэнерга, з пачатку 2026 года парк электракараў у краіне павялічыўся на 15 тысяч і перакрочыў адзнаку ў 65 тысяч машын (на пачатак года іх было каля 50 тысяч). Рост у параўнанні з аналагічным перыядам мінулага года складае амаль два разы.
Улады плануюць давесці колькасць электрамабіляў да 300 тысяч аўтамабіляў да 2030 года, што складзе каля 10% ад усяго аўтатранспарту ў краіне.
У Беларусі ўжо працуе больш за 2,7 тысяч электразарадных станцый (з пачатку года дадалося яшчэ 500). Да 2030 года іх колькасць плануюць павялічыць да 15 тысяч.
Як заўважыў міністр энергетыкі Дзяніс Мароз, Беларусь на постсавецкай прасторы — адзін з лідараў па колькасці электрамабіляў на душу насельніцтва.
«Агульная колькасць 65 тысяч электрамабіляў у маштабах нашых суседзяў, можа быць, і не выглядае неяк занадта шмат, але сёння гэта ўжо прыкметны працэнт у агульнай колькасці электрамабіляў», — адзначыў ён.
Каментары