У Кіеве затрымалі расійскую агентку, якую пераправілі праз Беларусь. Яна планавала палітычнае забойства
Контрразведка СБУ прадухіліла забойства расійскага апазіцыянера, які цяпер узначальвае адну з агульнаўкраінскіх грамадскіх арганізацый. У Кіеве затрымалі жанчыну, завербаваную расійскімі спецслужбамі, якая атрымала заданне застрэліць яго, паведамляе прэс-служба СБУ.
Паводле інфармацыі следства, замах планавалася здзейсніць каля аднаго са сталічных спартзалаў, дзе грамадскі дзеяч працуе трэнерам па кікбоксінгу. Кілерка павінна была ўчыніць напад з засады, выкарыстаўшы баявы пісталет.
Заказаны расійскімі спецслужбамі чалавек з 2022 года ваюе на баку Украіны — спачатку на Кіеўшчыне, а пазней на ўсходзе краіны.
Супрацоўнікі СБУ затрымалі жанчыну непадалёк ад спарткомплексу, калі яна праводзіла дадатковую разведку мясцовасці і выбірала месца для будучага нападу.
Паводле матэрыялаў справы, заданне ФСБ выконвала беспрацоўная жыхарка часова акупаванага Мелітопаля. Расійскія спецслужбісты завербавалі яе, паабяцаўшы закрыць крымінальную справу, звязаную з незаконным захоўваннем наркотыкаў.
Пасля вярбоўкі жанчына прайшла падрыхтоўку на базе мясцовага аддзела ФСБ. Там яе вучылі мерам канспірацыі, арыентаванню на мясцовасці і стральбе з агнястрэльнай зброі.
Пасля навучання яе пераправілі ў Жытомір транзітам праз тэрыторыю Беларусі, а адтуль яна накіравалася ў Кіеў.
У сталіцы агентка некалькі разоў мяняла гатэлі. Выходзячы з нумара, яна пакідала спецыяльную пазнаку на дзвярах, каб зразумець, ці заходзіў у памяшканне нехта старонні.
Пазней жанчына атрымала ад расійскага куратара каардынаты схованкі ў лясной зоне Кіева. Там яна забрала пісталет з патронамі. СБУ знайшла зброю падчас ператрусу ў яе гатэльным нумары.
Таксама ў затрыманай канфіскавалі смартфон, з дапамогай якога яна падтрымлівала сувязь з куратарам ФСБ. Яго асобу, паводле СБУ, ужо ўстанавілі.
Следчыя СБУ паведамілі жанчыне пра падазрэнне ў дзяржаўнай здрадзе, учыненай ва ўмовах ваеннага становішча. Яна знаходзіцца пад вартай без права ўнесці заклад. У выпадку прызнання вінаватай ёй пагражае пажыццёвае зняволенне з канфіскацыяй маёмасці.
У пачатку верасня СБУ ўжо паведамляла пра прадухілены замах ФСБ на прадстаўніка расійскай апазіцыі. Ці звязаныя гэтыя выпадкі паміж сабой, пакуль невядома.
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту47
Каментары
Зрэшты так як у́ Беларусі .
Он не виноват что большинство украинцев за деньги мать родную продадут, не то что Родину