У Віцебску на аўкцыён выставілі знакаміты Смаленскі рынак, агульная гісторыя якога налічвае больш за 160 гадоў. Адпаведны лот з'явіўся на старонцы GosTorg, піша Blizko.by.
У склад маёмасці ўваходзяць будынак крытага харчовага рынку, іншы будынак рынку, складскія памяшканні, грамадскі туалет, склад, будынак лабараторыі ветэрынарна-санітарнай экспертызы, цеплавая сетка, а таксама 210 адзінак гандлёвага і тэхналагічнага абсталявання.
Рынак размешчаны на Смаленскай плошчы ў цэнтры Віцебска. Плошча зямельнага ўчастка складае 1,4225 гектара. Пачатковы кошт лота — 25 мільёнаў рублёў, што па актуальным курсе Нацбанка адпавядае прыкладна 8,3 мільёна даляраў. Аўкцыён адбудзецца 29 кастрычніка ў 14:00.
Паводле «Віцебскай энцыклапедыі», пад назвай Смаленскі рынак ён працаваў ужо ў 1860‑х гадах. Тады рынак знаходзіўся на плошчы, якая цяпер носіць імя Леніна.
У 1921 годзе старыя рынкавыя пабудовы пачалі зносіць, пасля чаго рынак пераехаў на цяперашнюю Смаленскую плошчу. У 1985 годзе там пабудавалі двухпавярховы крыты павільён на 200 гандлёвых месцаў. Яго плошча складала 1800 квадратных метраў, а агульная плошча рынку — каля 10 тысяч квадратных метраў.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары12
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары