Платная аўтастаянка на аўтарынку ў Малінаўцы 28 верасня пайшла з малатка. Пераможца аўкцыёну заплаціць за лот 2 325 000 рублёў — гэта значна вышэй за пачатковую цану. У пераліку гэта прыкладна 770 тысяч даляраў, піша abw.by.
Паводле апублікаваных звестак, за права набыць лот змагаліся два ўдзельнікі, якія зрабілі 11 ставак. Пачатковы кошт аўтастаянкі складаў 1,5 млн рублёў. Такім чынам, выніковая цана аказалася на 825 тысяч рублёў вышэйшай за першапачатковую.
Акрамя таго, пераможца таргоў павінен будзе выплаціць арганізатару 2% ад кошту лота.
Гаворка ідзе пра дзейную аўтастаянку № 4 ТАА «АСБ Лізінг», размешчаную за аўтамолам «Кальцо». Плошча тэрыторыі складае 15,5 тысяч квадратных метраў.
Пакупнік атрымлівае права арэнды аўтастаянкі да 23 чэрвеня 2046 года. Паркоўка аўтамабіля на ёй каштуе 3 рублі.
Тэрыторыя абсталяваная шлагбаумам і агароджай, таксама тут усталяваная сістэма відэаназірання.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г2
Каментары