Сезон збору ўраджаю ўсё яшчэ ўражвае рэкордамі. На гэты раз сваім дасягненнем пахваліўся жыхар Гродна.
Як распавёў уладальнік участку, гарбузы на лецішчы вырашылі высадзіць у пачатку сезона. Прычым мужчына выкарыстаў самае звычайнае насенне. Таму такога выніку — амаль 150 кілаграмаў — ніхто не чакаў, піша newgrodno.by.
«Пазнавата, праўда, апыліў. Ды і даглядаў не так, як пішуць у разумных артыкулах. Калі б рабіў усё як належыць, то, думаю, вынік быў бы лепшы», — кажа ён.
Што рабіць з ураджаем, гродзенец яшчэ не вырашыў. Таму пакуль гарбуз хутчэй з'яўляецца падставай для гонару, прычым не адзінай. На суседняй градцы падрастае 50‑кілаграмовая «суседка».
Дарэчы, абодва гарбузы пакуль не сарваныя (для падліку вагі выкарыстоўваецца асобная сістэма), таму тэарэтычна ўраджай можа стаць яшчэ цяжэйшым.
Самым буйным у гісторыі краіны лічыцца гарбуз вагой 520 кг, які ў свой час вырасцілі на Брэстчыне.
Сусветны рэкорд належыць брытанцу Яну Патана, які вырасціў гарбуз вагой 1295,8 кг!
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары